ఘనంగా డాక్టర్‌ బిఆర్‌ అంబేద్కర్‌ వర్ధంతి వేడుకలు

నెల్లూరు, డిసెంబర్‌ 06, (రవికిరణాలు) : నెల్లూరు నగరంలోని స్థానిక విఆర్‌ కళాశాల సమీపంలోని డాక్టర్‌ బి.ఆర్‌.అంబేద్కర్‌ విగ్రహానికి ఎస్సీ, ఎస్టీ, బిసి, మైనారిటీ ఐక్యవేధిక, మాదిగ రిజర్వేషన్‌ పోరాట సమితి, ఎన్‌ఎస్‌యుఐ, కాంగ్రెస్‌ నేతలు అంబేద్కర్‌ 63వ వర్ధంతి సందర్భంగా ఘన నివాళులు అర్పించారు. ఈ సందర్భంగా వారు మాట్లాడుతూ అంబేద్కర్‌ కల్పించిన హక్కుల వలన ఈనాడు సమాజంలో అసమానతలు లేని సమాజంగా జీవిస్తున్నామంటే అంబేద్కర్‌ కల్పించిన రాజ్యాంగ హక్కుఅని వారు కొనియాడారు. ఈ కార్యక్రమంలో ఎన్‌ఎస్‌యుఐ జిల్లా అధ్యక్షుడు కరిముల్లా, కాంగ్రెస్‌ నేత ఫయాజ్‌, ఎస్సీ, ఎస్టీ బిసి మైనార్టీ ఐక్య వేదిక నాయకులు టి.రాజ్యలక్ష్మి, సిహెచ్‌ శ్రీధర్‌, ఎల్‌.గోపి, సుజాత, ప్రవీణా, జగదీష్‌ తదితరులు పాల్గొన్నారు.

December 05, 2019