సమస్యలకు సత్వర పరిష్కారం

నెల్లూరు, డిసెంబర్‌ 05, (రవికిరణాలు) : నెల్లూరు రూరల్ నియోజకవర్గ పరిధిలోని పాతవెల్లంటి గ్రామంలో గురువారం నెల్లూరు రూరల్ ఎమ్మెల్యే కార్యాలయం ఇన్‌ఛార్జ్ కోటంరెడ్డి గిరిధర్ రెడ్డి, నెల్లూరు జిల్లా కేంద్ర సహకార బ్యాంక్ చైర్మన్ ఆనం విజయకుమార్ రెడ్డిలు గ్రామ సచివాలయాన్ని ప్రారంభించారు. ఈ సందర్భంగా రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి మాట్లాడుతూ సమస్యల పరిష్కారానికి పదేపదే కార్యాలయాల చుట్టూ తిరిగే పరిస్థితి ఉండేదని, ఇకమీదట ఈ పరిస్థితి ప్రజలకు ఉండబోదన్నారు. సమస్యలకు సత్వరమే ఈ గ్రామ, వార్డు సచివాలయాల ద్వారా పరిష్కారం దొరుతుందని అన్నారు. గ్రామ సచివాలయాల ద్వారా దేశ చరిత్రలోనే సరికొత్త అధ్యాయానికి నాంది పలికిన ఏకైక ముఖ్యమంత్రి వై.యస్. జగన్ మోహన్ రెడ్డి ని, దేశంలో ఏ ముఖ్యమంత్రి చేయని విధంగా వై.యస్. జగన్ మోహన్ రెడ్డి సంక్షేమపధకాలను అమలు చేస్తున్నారని, పాదయాత్రలో ఇచ్చిన హామీలలో ఇప్పటికే 95% హామీలు నెరవేర్చారన్నారు. నెల్లూరు జిల్లా కేంద్రసహకార బ్యాంక్ ఛైర్మన్ ఆనం విజయకుమార్ రెడ్డి మాట్లాడుతూ ప్రభుత్వానికి, ప్రజలకు మధ్య వారధిలా వాలంటీర్లు పనిచేయాలన్నారు. ప్రభుత్వానికి మంచి పేరు వచ్చే విధంగా పాలంటీర్లు పనిచేయాలని అన్నారు.

December 05, 2019