వైఎస్ఆర్ నగర్ రూపురేఖలు పూర్తిగా మారుస్తాం - కోటంరెడ్డి గిరిధర్ రెడ్డి

కొత్తూరు, డిసెంబర్‌ 04, (రవికిరణాలు) : కొత్తూరు వైఎస్ఆర్‌ నగర్‌లో 40 లక్షల రూపాయల వ్యయంతో మంచినీటి పైపులైన్ల నిర్మాణానికి రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి కార్పొరేషన్ కమీషనర్ శంకుస్థాపన చేసారు. ఈ సందర్భంగా రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి మాట్లాడుతూ త్వరలో వై.ఎస్.ఆర్. నగర్ రూపురేఖలు పూర్తిగా మారుస్తామని అన్నారు. వైఎస్ఆర్ నగర్లలోని రోడ్లకు కోటి నలభై లక్షల రూపాయలు మంజూరు చేయించామని త్వరలో పనులు ప్రారంభిస్తామని తెలిపారు. వై.ఎస్.ఆర్. నగర్లో సమస్యలను మంత్రి అనిల్ కుమార్ యాదవ్, రూరల్ ఎమ్మెల్యే కోటంరెడ్డి శ్రీధర్ రెడ్డి లతో మాట్లాడి సమస్యలను పరిష్కరిస్తామని ఆయన హామీ ఇచ్చారు. ఈ కార్యక్రమంలో నగర మున్సిపల్‌ కమీషనర్‌ పివివిఎస్‌ మూర్తి, నగర అధ్యక్షులు తాటి వెంకటేశ్వర రావు, కార్యకర్తలు, నాయకులు తదితరులు పాల్గొన్నారు.

December 03, 2019