ప్రభుత్వానికి, ప్రజలకు మధ్య వారధిలా వాలంటీర్లు పనిచేయాలి

- రూరల్ ఎమ్మెల్యే కార్యాలయం ఇన్‌ఛార్జ్ కోటంరెడ్డి గిరిధర్ రెడ్డి
నెల్లూరు, డిసెంబర్‌ 08, (రవికిరణాలు) : నెల్లూరు రూరల్ నియోజకవర్గ పరిధిలోని కందమూరు గ్రామంలో నేడు నెల్లూరు రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి, విజయడైరీ కొండ్రెడ్డి రంగా రెడ్డి, ఎమ్.పి.డి.ఓ. వసుమతి గ్రామ సచివాలయ బిల్డింకు శంకుస్థాపన చేశారు.ఈ సందర్భంగా రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి మాట్లాడుతూ సమస్యల పరిష్కారానికి పదేపదే కార్యాలయాల చుట్టూ తిరిగే పరిస్థితి ఉండేదని, ఇకమీదట ఈ పరిస్థితి ప్రజలకు ఉండబోదన్నారు. సమస్యలకు సత్వరమే ఈ గ్రామ, వార్డు సచివాలయాల ద్వారా పరిష్కారం దొరుతుందని అన్నారు. గ్రామ సచివాలయాల ద్వారా దేశ చరిత్రలోనే సరికొత్త అధ్యాయానికి నాంది పలికిన ఏకైక ముఖ్యమంత్రి వై.యస్. జగన్ మోహన్ రెడ్డిని, దేశంలో ఏ ముఖ్యమంత్రి చేయని విధంగా వై.యస్ జగన్ మోహన్ రెడ్డి సంక్షేమ పథకాలను అమలు చేస్తున్నారని, పాదయాత్రలో ఇచ్చిన హామీలలో ఇప్పటికే 95% హామీలు నెరవేర్చారన్నారు. కందమూరు గ్రామంలో త్వరలో 50 లక్షల రూపాయిలతో సి.సి డ్రైన్ పనులను ప్రారంభించనునామనిని అన్నారు. ప్రభుత్వానికి, ప్రజలకు మధ్య వారధిలా వాలంటీర్లు పనిచేయాలన్నారు. ప్రభుత్వానికి మంచి పేరు వచ్చేవిధంగా వాలంటీర్లు పనిచేయాలని అన్నారు.

December 08, 2019