బైక్ మిస్సింగ్...సిఐ స్టిక్కరింగ్

రవికిరణాలు(కర్నూలు రిపోర్టర్ - నాగరాజు) : చట్టాన్ని గౌరవిస్తూ ప్రజల ధన, మాన, ప్రాణాలను పరిరక్షించాల్సిన పోలీసులే పోలీస్ దొంగగా మారారు. కర్నూలు జిల్లా ఆదోనిలో గత 3 నెలల క్రితం ఏపి21ఏఏ0622 గల మోటర్ స్కూటర్ ను నరేష్ అనే వ్యక్తి ఆదోని రైల్వే స్టేషన్లో వదిలి వెళ్ళారు. స్కూటర్ స్టాండులో స్కూటర్ కనబడకపోవడంతో 2వ పోలీస్ స్టేషన్లో ఫిర్యాదు చేసారు. కానీ ఆ స్టేషన్ సిఐ దర్జాగా ఆ స్కూటర్ పై పోలీస్ అని స్టిక్కర్ వేయించాడు. రోజు యోగ సెంటర్‌కి వెళ్ళడానికి, సొంత పనులకు ఉపయోగిస్తున్నారు. ఈ విషయం రవికిరణాలు TV కంటపడి విచారించగా, బాధితుడు ఫిర్యాదు చేయలేదని సమాధానం ఇచ్చారు. ఈ విషయం తెలుసుకున్న సిఐ పోలీస్ స్టికర్ ను తొలగించే దృశ్యం కూడా రవికిరణాలు TV కెమెరాకు చిక్కింది. సీఐగారి నిర్వాకం పైఅధికారి వద్దకు తీసుకెళ్తే.. విచారణ చేసి చర్యలు తీసుకుంటామన్నారు.

July 24, 2017