నెయ్యితో నల్లని జుట్టు

రవికిరణాలు (వనిత) : నల్లని కేశాలు కావాలని ఎవరూ కోరుకోరూ... మనిషి అందాన్ని మరింత ఇనుమడింపజేసేది శిరోజాలే. మగవారికైనా ఆడవారికైనా చిన్న వయస్సులోనే జుట్టు నెరిస్తే అది భాదే. ఆ భాదను పోగోట్టుకోవడానికి పరిష్కారం మీ ఇంట్లోనే ఉంది. సువాసనతో నోరూరించే నెయ్యికి తెల్లబడిన జుట్టుని నల్లబరిచే శక్తి ఉంది. అది ఏలా అని ఆలోచిస్తున్నారా ఈ కింది విధంగా చేసి నల్లని కురులను సొంతం చేసుకోండి. 1 కేజీ నెయ్యిని తీసుకొని దానిలో 150 గ్రాముల తేనే, 1 లీటర్ ఉసిరి రసాన్ని కలిపి బాగా వేడిచేయాలి. దానిలోని నీరు అంతా ఆవిరైపోయే అంత వరుకు వేడి చేస్తూనే ఉండాలి. ఆ ద్రావణం తయారు అయిన తరువాత ఒక గాజు సీసాలోకి తీసుకోవాలి. దానిని తలస్నానం చేసే ముందు తలకి రాసుకోవాలి. ఇలా చేయడం వలన మీరు మళ్ళి నల్ల జుట్టుని పొందే అవకాశం ఉంది.

July 03, 2017