మోడల్ స్కూల్ విద్యార్థులకి సైకిళ్లు పంపిణీ

రవికిరణాలు(వెంకటగిరి) : నెల్లూరు జిల్లా వెంకటగిరి మున్సిపాలిటీ పరిధిలోని పెరియవరంలో ఉన్న మోడల్ స్కూల్ లోని 9వ తరగతి విద్యార్థులకి ఎమ్మెల్యే కురుగొండ్ల రామకృష్ణ ఆధ్వర్యంలో సైకిళ్లు పంపిణీ చేశారు. విద్యార్థులు భవిష్యత్తుని ప్రణాళికంగా మలుచుకొని విజయం సాధనకు కృషి చేయాలని ఎమ్మెల్యే అన్నారు. చంద్రబాబు ప్రభుత్వం విద్యార్థులకి ఎన్నో పధకాలని ప్రవేశ పెట్టి ప్రోత్సాహకాలు అందిస్తున్నారని, దానిలో భాగంగా పాఠశాలలకు డ్రాప్ అవుట్స్ శాతం తగ్గించేందుకు దూర ప్రాంత 9వ తరగతి విద్యార్థులకి సైకిళ్లు పంపిణీ చేస్తున్నారని అన్నారు. ఈ కార్యక్రమంలో ఏఎమ్‌సి చైర్మన్ పులుకొల్లు రాజేశ్వరరావు, వీఎమ్‌సి చైర్మన్ దొంతు శారద, పట్టణ అధ్యక్షుడు మంకు ఆనంద్, ఉపాధ్యక్షుడు తాండవ చంద్ర మోడల్ స్కూల్ ప్రిన్సిపాల్ అపర్ణ, కరస్పాండెంట్ దశయ్య, పాఠశాల సిబ్బంది, టిడిపి నాయకులు కెవికె ప్రసాద్, మల్లికార్జున్ తదితరులు పాల్గొన్నారు.

 

July 21, 2017