మతిస్థిమితంలేని మైనర్‌పై గ్యాంగ్ రేప్

రవికిరణాలు ( నెల్లూరు -శివకుమార్) : నెల్లూరు జిల్లా నాయుడుపేటలో జరిగిన దారుణం ఆలస్యంగా వెలుగులోకి వచ్చింది. ఈ దారుణ ఘటన జిల్లాలోని నాయుడుపేట నగర పంచాయితీ పరిధిలోని మునిరత్నంనగర్‌లో జరిగింది. 17 ఏళ్ళ బాలికపై అదే కాలనీకి చెందిన ఇద్దరు మైనర్‌లు అత్యాచారం చేశారు. మానసిక రోగి అయిన తన బిడ్డపై జరిగన ఘోరాన్ని బాలిక తల్లి గ్రామ పెద్దల దృష్టికి తీసుకెళ్లింది. విషయం బయటకు పొక్కకుండా లక్ష రూపాయలతో బాధితుల నోరు మూయించేందుకు పెద్దలు ప్రయత్నించారు. బాలిక తరుపు బంధువులు ఈ ప్రతిపాదన ఒప్పుకోకపోవడంతో అసలు విషయం బయటకు వచ్చింది. బాధితులు పోలీసులను ఆశ్రయించారు. వెంటనే పోలీసులు ఇద్దరు నిందితులను అదుపులోకి తీసుకున్నారు. బాలికను వైద్యపరీక్షల నిమిత్తం నెల్లూరుకు తరలించారు.

July 06, 2017