చిన్నమ్మ ఎలా ఉంటుందో తెలుసా...?

జైలు జీవితమంటే కటకటాలు, చిప్ప కూడు, బోలెడన్ని కష్టాలు. కాని కొందరికి జైలు కూడా విశ్రాంత స్థలమే. తమిళీయుల చిన్నమ్మ ను చూస్తే అది నూటికి నూరు పాళ్లు నిజమనిపిస్తుంది. చిన్నమ్మ  జైలుకు వెళ్లకముందు ఎప్పుడు చూసినా అమ్మకు డూప్‌లా కనిపించేవారు. ఆ కట్టు బొట్టు అమ్మతర్వాత అమ్మ  చిన్నమ్మ అనేలా ఉండేవారు.  తీరా ఇప్పుడు చూస్తే గెటప్‌ పూర్తిగా మారిపోయింది. అవినీతి కేసులో జైలుకు వెళ్లిన  చిన్నమ్మ దిగాలుగా ఓ మూలన ఉంటారనుకుంటే... చలాకీగా తిరిగేస్తున్నారు. జైలు గాలి బాగా పడినట్లు ఉంది చిన్నమ్మకు.. బాగా మోడ్రన్‌గా తయారయ్యారు. చీరను వదలి మోడ్రన్‌ డ్రస్‌లో తళుక్కుమంటున్నారు.  సామాన్యుడు జైలుకెళితే..... ఎందుకొచ్చిన జీవితం రా బాబూ అనుకుని చేసిన తప్పుకు పశ్చాత్తాపం పడతారు. కానీ చిన్నమ్మ లాంటి సెలబ్రిటీలకు జైలు సైతం ఓ విడిదిల్లే.

July 18, 2017