వానలు తగ్గనున్నాయి...

రవికిరణాలు(విశాఖ): రానున్న మూడు, నాలుగు రోజుల పాటు వర్షాలు తగ్గనున్నట్లు వాతావరణ నిపుణులు వెల్లడించారు. ఇప్పటికే రెండు రోజులుగా కొంత మేర వర్షాలు తగ్గాయి. ఉత్తర కోస్తా, దక్షిణ ఒడిసాకు ఆనుకుని పశ్చిమ మధ్య బంగాళాఖాతంలో ఉన్న ఉపరితల ఆవర్తనం ఆదివారం వాయవ్య బంగాళాఖాతంలోకి చేరింది. దీంతో తెలుగు రాష్ట్రాల్లో వర్షాలు మరింత తగ్గే అవకాశం ఉందని నిపుణులు తెలిపారు. ఆదివారం తెలంగాణ, కోస్తాలో అక్కడక్కడా చిరుజల్లులు కురవగా, రాయలసీమలో పూర్తిగా పొడివాతావరణం నెలకొంది. మరో నాలుగు రోజుల వరకు పరిస్థితి ఇలానే ఉంటుందని వాతావరణ నిపుణులు వివరించారు.

July 03, 2017