ఓటు నమోదు చేసుకోండి..

రవికిరణాలు(నెల్లూరు) : నెల్లూరు నగరంతో పాటు నగరపాలక సంస్థ పరిధిలో ఉండే రూరల్‌ ప్రాంతాల ప్రజలు ఓటు నమోదు చేయించుకోవాలని నగర మేయర్ అబ్దుల్‌ అజీజ్‌ పిలుపునిచ్చారు. నెల్లూరు నగరంతో పాటు రూరల్‌ ఏరియాకు సంబంధించిన పాత ఓట్ల జాబితాను మళ్లీ పరిశీలించినట్లు తెలిపిన మేయర్‌... అందులో లక్షకు పైగా ఓట్లు గల్లంతయ్యాయని వెల్లడించారు. ఒకే వ్యక్తి రెండు మూడు చోట్ల ఓటు నమోదు చేయించుకున్న కారణంగా అన్ని ఓట్లు తేడా వచ్చాయని భావిస్తున్నట్లు తెలిపారు. అయినప్పటకీ రాబోయే ఎన్నికల్లో ఇబ్బందులు తలెత్తకుండా.. ఓటు నమోదు కార్యక్రమం చేపడుతున్నట్లు తెలియజేశారు. ఇంటి వద్దకు వచ్చే బీఎల్‌ఓలకు వివరాలు ఇచ్చి.. ఓటు నమోదు చేయించుకోవాలన్నారు. ఈ అవకాశాన్ని ప్రతి ఒక్కరు వినియోగించుకోవాలని మేయర్‌ పిలుపునిచ్చారు.

July 21, 2017