ఇళ్ల మధ్య మద్యం దుకాణాలు తొలగిస్తారా.. లేదా....!!!!!

రవికిరణాలు(తిరుపతి) : మద్యం దుకాణాలు తొలగించాలంటూ ఆందోళన చేస్తున్న మహిళలు చిత్తూరు జిల్లా కలెక్టర్ ప్రద్యుమ్నను అడ్డుకున్నారు. తిరుపతి నగర శివార్లలోని మంగళం ప్రాథమిక పాఠశాలలో ఏర్పాటు చేసిన యోగా శిక్షణా కార్యక్రమంలో పాల్గొని తిరిగి వెళ్తున్న కలెక్టర్ వద్దకు మహిళలు భారీ సంఖ్యలో తరలివచ్చారు. నివాసాల మధ్య ఉన్న మద్యం దుకాణాలను తొలగించాలని వినతిపత్రాలు సమర్పించారు. విచారణ నిర్వహించి చర్యలు తీసుకుంటామని కలెక్టర్‌ తెలిపారు. కలెక్టర్ ప్రకటనపై సంతృప్తి చెందని మహిళలు ముందుకు వెళ్లకుండా వాహనాన్ని అడ్డుకున్నారు. ఎక్సైజ్ అధికారులతో చర్చించి తీవ్ర ఇబ్బందికరమైన ప్రాంతాల్లో ప్రత్యామ్నాయ ఏర్పాట్లు చేస్తామని హామీ ఇవ్వడంతో మహిళలు ఆందోళన విరమించారు.

July 08, 2017